ليش البوت طرد نفسه من سيرفري؟
إما ما ربطت الترخيص خلال مهلة 10 دقايق من إضافته، أو الترخيص انتهت صلاحيته/انعطّل. راجع لوحة التحكم وتأكد الترخيص فعّال ومربوط بنفس السيرفر.
أقدر أنقل الترخيص لسيرفر ثاني؟
لا تقدر تسويها بنفسك من الموقع (حماية ضد إعادة البيع). تواصل مع الدعم الفني لنقل شرعي.
ليش أمر معيّن ما يشتغل؟
تأكد رتبة البوت أعلى من الرتب اللي يحاول يتحكم فيها، وإنه عنده صلاحية Administrator. شغّل /scan للتأكد من كل الصلاحيات.
وش الفرق بين الحجر والحظر كعقوبة؟
الحظر يطرد العضو نهائياً من السيرفر. الحجر يسحب كل رتبه ويعطيه رتبة محدودة بدون صلاحيات، يبقى بالسيرفر لكن ما يقدر يسوي شي.
كل كم مدة تنحفظ نسخة احتياطية تلقائية؟
كل 6 ساعات إذا كان خيار "نسخة احتياطية تلقائية" مفعّل من تبويب القوائم والإعدادات. ويحتفظ بآخر 10 نسخ.
وش يعني "عدد العمليات بالدقيقة"؟
لكل نظام حد واضح، مثل 3 عمليات خلال 60 ثانية. البوت يرجع التغيير غير المصرح فوراً، وإذا وصل الشخص للحد يطبق العقوبة المحددة. تقدر تعدل الرقم من لوحة السيرفر.
ضفت البوت بس ما يرد على الأوامر
تأكد من ثلاثة: الترخيص مربوط بهذا السيرفر بالضبط، البوت أونلاين، وإنك مسجّل الأوامر. جرب تكتب / وشوف هل تظهر أوامر البوت بالقائمة.
البوت عاقب عضو بريء — وش أسوي؟
ضيفه للوايت ليست من تبويب "القوائم والإعدادات" عشان يصير محصّن. وإذا العقوبات كثيرة، ارفع عدد العمليات المسموحة بالدقيقة للنظام المعني.
أقدر أعطي شخص صلاحيات كاملة بالبوت؟
أيه، ضيفه لقائمة "الأدمنية الموثوقين". راح يصير محصّن من كل الحماية ويقدر يستخدم الأوامر الحساسة زي /backup restore.
وش يصير لو البوت طاح أو السيرفر توقف؟
إعداداتك محفوظة بقاعدة البيانات، فما تضيع. لما يرجع البوت يشتغل، يقرأ نفس الإعدادات ويكمل شغله عادي.
الاستعادة تحذف الرومات الموجودة؟
لا إطلاقاً. الاستعادة "ذكية" — ترجّع بس اللي انحذف فعلاً، وما تلمس أي شي موجود وسليم.
كيف أعرف إن الحماية شغالة فعلاً؟
شغّل /status لعرض حالة كل نظام، أو شوف تبويب "السجلات" باللوحة لمتابعة كل حدث أمني تم إيقافه.